ສະຫງວນລິຄະສິດ (c) 2010
  • ປະຈຸບັນ ສປ ຈີນ ແມ່ນ ຈັດຢູ່ໃນອັນດັບ ທີ 2 ຂອງການລົງທຶນໃນ ສປປ ລາວ ມີ 397 ໂຄງ ການ

    日期:2011-01-05 | 分类:ເສດຖະກິດ

    版权声明:转载时请以超链接形式标明文章原始出处和作者信息及本声明
    http://www.blogbus.com/khonlao-logs/97127659.html

    ສປ ຈີນ ຈັດຢູ່ໃນອັນດັບ 2 ຂອງການລົງທຶນໃນລາວ

    *(ຂປລ) ປະຈຸບັນ ສປ ຈີນ ແມ່ນ ຈັດຢູ່ໃນອັນດັບ ທີ 2 ຂອງການລົງທຶນໃນ ສປປ ລາວ ມີ 397 ໂຄງ ການ ໃນມູນຄ່າການລົງທຶນ 2.687 ລ້ານໂດລາສະຫະ
    ລັດ ຖັດຈາກ ສສ.ຫວຽດນາມ, ຊຶ່ງໃນໂອກາດເຂົ້າຮ່ວມ ພົບປະກັບນັກທຸລະກິດ ສປ ຈີນ ທ່ານ ອາຈົງ ລາວເມົາ ຮອງຫົວໜ້າກົມ ສົ່ງເສີມການລົງທຶນ, ກະຊວງ
    ແຜນ ການ ແລະການລົງທຶນໄດ້ມີການນຳສະເໜີຕໍ່ນັກທຸລະກິດຈີນໃຫ້ການສະໜັບສະໜູນ,ຮ່ວມມືລົງທຶນສ້າງພື້ນ ຖານໂຄງ ລ່າງ ເປັນຕົ້ນ ແມ່ນໂຄງການສ້າງ
    ເສັ້ນທາງໄຮເວແຕ່ພາກເໜີ ເຖິງພາກໃຕ້, ເສັ້ນທາງລົດໄຟ, ເຂື່ອນ ໄຟຟ້ານ້ຳຕົກ, ການສ້າງສາຍສົ່ງໄຟຟ້າ, ກິດຈະການໃນຂະແໜງກະສິກຳ, ປູກຝັ່ງ, ລ້ຽງສັດທີ່ຕ້ອງການນຳໃຊ້ເຕັກໂນໂລຊີທີ່ທັນສະໄໝເຂົ້າໃນການຜະລິດໃຫ້ນັບມື້ຫລາຍຂຶ້ນ.

    ການລົງທຶນຂອງນັກທຸລະກິດ ສປ ຈີນ ແມ່ນປັດໃຈໜຶ່ງທີ່ສຳຄັນໃນການກະຕຸກຊຸກຍູ້ເສດຖະກິດ ຂອງ ສປປ ລາວ ໃຫ້ມີການຂະຫຍາຍຕົວ ເພື່ອສ້າງລາຍຮັບ
    ໃຫ້ແກ່ລັດຖະບານ, ມີການພັດທະນາທ້ອງຖິ່ນ, ມີການ ສ້າງວຽກເຮັດງານທຳໃຫ້ແກ່ປະຊາຊົນ, ຊຶ່ງການລົງທຶນຜ່ານມາເຫັນວ່າ ນັກທຸລະກິດຈາກ ສປ ຈີນ ສ່ວນ ຫລາຍແມ່ນສຸມໃສ່ຂະແໜງບໍ່ແຮ່. ສະນັ້ນ ເພື່ອເຮັດໃຫ້ການລົງທຶນມີປະສິດທິຜົນ ແລະ ແຕກດອກອອກຜົນກັບ ທຸກຝ່າຍ, ໃນຕໍ່ໜ້າທັງສອງຝ່າຍຄວນຮ່ວມມື
    ກັນ ທາງດ້ານຂໍ້ມູນຂ່າວສານ ໂດຍສະເພາະແມ່ນການເລືອກເຟັ້ນ ເອົາ ບໍລິສັດທີ່ໄດ້ມາດຕະຖານ ແລະ ຕ້ອງໄດ້ຮັບການຢັ້ງຢືນຄຸນວຸດທິ,ຖານະຂອງບໍລິສັດ
    ຈາກສະຖານທູດ ເສດຖະກິດ ສປ ຈີນ ປະຈຳລາວ ຫລື ສະພາການຄ້າຈີນ ແນໃສ່ເພື່ອຮັບປະກັນການປະຕິບັດໂຄງການໃຫ້ມີຄຸນ ນະພາບ. ພ້ອມກັນນີ້ ລັດຖະ
    ບານລາວ ອາດສະເໜີໃຫ້ທາງການ ສປ ຈີນ ສົງລາຍຊື່ບໍລິສັດທີ່ມີບົດຮຽນ, ປະສົບການ ແລະ ເງິນທີ່ສາມາດລົງທຶນເຂົ້າໃນການພັດທະນາຂະແໜງການຕ່າງໆ
    ຢູ່ ສປປ ລາວ ເພື່ອເປັນຂໍ້ມູນ ພື້ນຖານໃຫ້ລັດ ຖະບານສາມາດພິຈາລະນາອະນຸມັດໄດ້ໄວ.ຖ້າບໍ່ດັ່ງນັ້ນລັດຖະບານໃນນາມຄູ່ສັນຍາກໍຈະພົບ ຂໍ້ຫຍຸ້ງຍາກ
    ໃນການ ຄຸ້ມ ຄອງການປະຕິບັດສັນຍາ.

    ໃນຂະນະດຽວກັນ ທ່ານ ດຣ. ສິນລະວົງ ຄຸດໄພທູນ ລັດຖະມົນຕີວ່າການກະຊວງແຜນການ ແລະ ການລົງທຶນ ກໍໄດ້ສະເໜີມາຍັງບັນດານັກທຸລະກິດຈີນ ໃຫ້ເພີ່ມທະວີຄວາມເອົາໃຈໃສ່ ປັບປຸງ ແລະ ຍົກລະ ດັບຄຸນນະພາບການລົງທຶນໃຫ້ມີມາດຖານສາກົນ ແລະ ມີອາຍຸການນຳໃຊ້ທີ່ຍາວນາມ, ບໍ່ຄວນຄຳນຶງໃຫ້
    ເປັນການລົງທຶນໄລຍະສັ້ນເທົ່ານັ້ນ. ພ້ອມກັນນີ້ ກໍຕ້ອງສືບຕໍ່ເຄົາລົບລະບຽບກົດໝາຍ ແລະ ຮີດຄອງປະເພນີຂອງ ປະຊາຊົນລາວ./.


    分享到: