ສະຫງວນລິຄະສິດ (c) 2010
  • Laotian table tenis have a progress

    日期:2010-01-23 | 分类:

    版权声明:转载时请以超链接形式标明文章原始出处和作者信息及本声明
    http://www.blogbus.com/khonlao-logs/56906792.html

    ຄວາມມຸ່ງມານະຂອງ ສະຫະພັນປິ່ງປ່ອງແຫ່ງຊາດລາວ ຈະພະຍາຍາມຫຍັບອັນດັບ ນັກກີລາປິ່ງປ່ອງທິມຊາດ ຂຶ້ນມາອີກຂັ້ນໜຶ່ງ ຊຶ່ງປັດຈຸບັນ ແມ່ນຢູ່ອັນດັບທີ 88 ໃນຈຳນວນ 107 ປະເທດທົ່ວໂລກ.

    ທ່ານນາງ ສົມໃຈ ວົງສາ ເລຂາທິການ ສະຫະພັນປິ່ງປ່ອງແຫ່ງຊາດລາວ ກ່າວເລົ່າສູ່ຟັງວ່າ: ນັກກີລາປິ່ງປ່ອງທິມຊາດລາວເຮົາ ມາຮອດປັດຈຸບັນນີ້ ຖືວ່າໄດ້ຮັບການພັດທະນາຂຶ້ນຫຼາຍຂັ້ນສົມຄວນ ເຖິງຈະບໍ່ສາມາດສ້າງຜົນງານໄດ້ຢ່າງໂດດເດັ່ນ ແຕ່ຝີມືໄດ້ຮັບການພັດທະນາດີຂຶ້ນຫຼາຍ ມາຮອດປັດຈຸບັນນີ້ ແມ່ນຢູ່ອັນດັບ 88 ໃນຈຳນວນ 107 ປະເທດຂອງໂລກ.

    ງານມະຫະກຳກີລາຊີເກມ ຄັ້ງທີ 25 ທີ່ ສປປ ລາວ ເຮົາເປັນເຈົ້າພາບ ໃນທ້າຍປີ 2009 ຜ່ານມານີ້ ນັກກີລາປິ່ງປ່ອງທິມຊາດລາວ ເຖິງຈະບໍ່ໄດ້ຈັກຫຼຽນກໍຕາມ ແຕ່ກໍມີຄວາມພໍໃຈກັບຜົນງານ ຊຶ່ງສະແດງອອກໃຫ້ເຫັນ ມີບາງເກມການແຂ່ງຂັນທິມຊາດລາວ ໄດ້ຄະແນນຂຶ້ນນຳກ່ອນ ແຕ່ສຸດທ້າຍ ກໍໜ້າເສຍດາຍ ທີ່ມາເສຍຄະແນນໄປແບບຫວຸດຫວິດ ສາຍເຫດແມ່ນຍ້ອນຄວາມທຸ່ນທ່ຽງ ແລະ ປະສົບການຂອງນັກກີລາ ຍັງອ່ອນນ້ອຍກ່ວາ.

    ເມື່ອເຫັນຜົນງານຄືດັ່ງກ່າວນັ້ນ ມັນໄດ້ກາຍເປັນແຮງຈູງໃຈ ຂອງສະຫະພັນປິ່ງປ່ອງແຫ່ງຊາດ ທີ່ຈະຕ້ອງໄດ້ພັດທະນາຝີມື ຂອງນັກກີລາຂຶ້ນຫຼາຍດ້ານ ໂດຍສະເພາະແມ່ນ ນັກກີລາປິ່ງປ່ອງທິມຊາດລາວ ຈຳນວນ 10 ຄົນ ຊາຍ 5 ຍິງ 5 ທີ່ສົ່ງເຂົ້າຮ່ວມຊີເກມ ຄັ້ງທີ 25 ຜ່ານມາ ຍັງມີແຜນຈະສືບຕໍ່ ເຝິກຊ້ອມໄປເລື້ອຍໆ ເພື່ອສົ່ງເຂົ້າຮ່ວມລາຍການແຂ່ງຂັນຕ່າງໆຂອງສາກົນ ເພື່ອຊອກປະສົບການໃໝ່ ແລະ ງານມະຫະກຳກີລາຊີເກມ ຄັ້ງທີ 26 ທີ່ອິນໂດເນເຊຍ ເປັນເຈົ້າພາບປີ 2011 ທີ່ຈະມາເຖິງນີ້ ນັກກີລາປິ່ງປ່ອງທິມຊາດລາວ ຕ້ອງຫຍັບອັນດັບຂຶ້ນມາອີກຂັ້ນໜຶ່ງໃຫ້ໄດ້.

    ທ່ານນາງ ສົມໃຈ ວົງສາ ກ່າວອີກວ່າ: ວົງການກີລາປິ່ງປ່ອງຢູ່ບ້ານເຮົາ ຍັງບໍ່ທັນເປັນຂະບວນກ້ວາງຂວາງ ສະນັ້ນ ທາງສະຫະພັນປິ່ງປ່ອງແຫ່ງຊາດລາວ ຍັງຈະໄດ້ເອົາໃຈໃສ່ ພັດທະນາຂຶ້ນຕື່ມອີກ ໃນປີ 2010 ນີ້ ຈະພະຍາຍາມພັດທະນາ ໄປແຕ່ລະແຂວງ ໃນທົ່ວປະເທດ ໂດຍສະເພາະແມ່ນ ໂຮງຮຽນ ເປັນຕົ້ນແມ່ນໂຮງຮຽນເດັກກຳພ້າ ທີ່ເຫັນວ່າມີເງື່ອນໄຂສະດວກດີ ແລະ ເປັນແຫຼ່ງທີ່ຈະຜະລິດ ນັກກີລາທີ່ດີເດັ່ນ ໃຫ້ສະຫະພັນໄດ້ ແຕ່ໃນປັດຈຸບັນ ກໍຍັງມີຄວາມຫຍຸ້ງຍາກທາງດ້ານງົບປະມານ ທີ່ຈະຕ້ອງໄດ້ຄົ້ນຄ້ວາ ເພື່ອມາພັດທະນາກີລາປິ່ງປ່ອງຂອງລາວເຮົາ ໃຫ້ກ້າວຂຶ້ນທຽບກັບສາກົນໄດ້.

    http://www.vientianemai.net/news.php?col=4&id=775


    分享到: