ສະຫງວນລິຄະສິດ (c) 2010
  • ກຸ່ມສິດທິມະນຸດກ່າວວ່າ ມຽນມາລະເມີດສິດຊົນເຜົ່າຈິນ

    日期:2011-01-20 | 分类:ຂາ່ວທົ່ວໄປ

    版权声明:转载时请以超链接形式标明文章原始出处和作者信息及本声明
    http://www.blogbus.com/khonlao-logs/100719823.html

     

    ກຸ່ມ​ປົກ​ປ້ອງ​ສິດທິ​ມະນຸດ​ທີ່​ມີ​ຫ້ອງການ​ຕັ້ງ​ຢູ່​ໃນ​ສະຫະລັດ​
    ກ່າວ​ວ່າ ຕົນ​ມີ​ເອກະສານຫລັກ​ຖານກ່ຽວ​ກັບ​ການ​ກໍ່ໂທດ
    ກຳຢ່າງ​ແຜ່​ຫລາຍ​ທີ່ພວກ​ທະຫານ​ຂອງ​ມຽນມ້າໄດ້ກະທໍາ​
    ຕໍ່​ຊົນ​ເຜົ່າຈິນ ​ໃນ​ມຽນມາ​ນັ້ນ.

    ກຸ່ມ​ນາຍ​ແພດ​ເພື່ອ​ສິດທິ​ມະນຸດ​ຫລື The Physicians for
    Human Rights ກ່າວ​ຢູ່​ໃນ​ລາຍ​ງານ​ສະບັບ​ນຶ່ງ​ໃນ​ວັນ​ພຸດ​
    ມື້ນີ້​ວ່າ ການລະ​ເມີດ​ສິດ​​ເຫລົ່າ​ນີ້​ມີ​ຮວມທັງ​ການ​ຂົ່ມຂືນ​ຊໍາ
    ເລົາ ການ​ລັກ​ພາໂຕ ການ​ທາລຸນ​ນະ​ກໍາ ​ແລະ​​ຄາດ​ຕະກໍາ.

    ກຸ່ມ​ປົກ​ປ້ອງ​ສິດທິ​ມະນຸດ​ດັ່ງກ່າວ​ເວົ້າ​ຕື່ມ​ວ່າ ອາ​ຊະ​ຍາ​ກໍາ
    ເຫລົ່າ​ນີ້​ແມ່ນ​ຖືກ​ພົບ​ເຫັນໂດຍພວກ​ອາສາ​ສະ​ໝັກ​ທີ່​ໄດ້​
    ທໍາ​ການ​ສໍາພາດ​ກັບ​ຊົນເຜົ່າ​ຈິນ 621 ຄອບຄົວ​ໃນທົ່ວ
    ແຄວ້ນຈິນ​ທີ່ສອກຫຼີກຫ່າງໄກທາງພາກ​ຕາ​ເວັນ​ຕົກ​ສຽງ​
    ເໜືອ​ຂອງ​ມຽນມາ ​ເປັນ​ເວລາ​ຫລາຍເດືອນ ໃນ​ປີຜ່ານ
    ມາ​ນີ້.

    ຜົນ​ຂອງ​ການ​ສໍາ​ຫລວດ​ນີ້​ກ່າວ​ວ່າ ພວກ​ທີ່​ຖືກ​ສໍາພາດ​ ແຈ້ງ​ໃຫ້​ຊາບ​ກ່ຽວ​ກັບອາຊະ​ຍາກໍາ​
    ຕ່າງໆ​ ທີ່ອໍານາດ​ປົກຄອງ​ທະຫານ​ໄດ້​ກະທຳໄປ​ນັ້ນ.

    ການ​ສໍາ​ຫລວດ​ທີ່​ມີ​ຊື່ວ່າ “Life Under the junta” ຫລື​ຊີວິດ​ພາຍ​ໃຕ້​ການ​ປົກຄອງຂອງ​
    ພວກ​ທະຫານນັ້ນ ກ່າວ​ວ່າ ພວກ​ທີ່​ຖືກ​ສໍາ​ຫລວດ​​ໃນ​ຈໍານວນ​ຫລາຍ​ກວ່າ 90 ສ່ວນ​ຮ້ອຍ​
    ແຈ້ງ​ໃຫ້​ຊາບ​ວ່າ ຢ່າງ​ນ້ອຍ​ມີ​ຄົນ​ນຶ່ງ​ຢູ່​ໃນແຕ່ລະ​ຄອບຄົວ​ໄດ້​ຖືກ​ບັງຄັບໃຫ້​ເປັນແຮງ​ງານ​ຮັບ
    ໃຊ້ທີ່​ບໍ່​ໄດ້​ຮັບ​ຄ່າ​ຈ້າງ.

    ກຸ່ມ​ປົກ​ປ້ອງ​ສິດທິ​ມະນຸດ Physicians for Human Rights ຊຶ່ງ​ໄດ້​ຮັບ​ລາງວັນ​ໂນ​ແບລ​
    ຂະ​ແໜງ​ສັນຕິພາບ​ປະ​ຈໍາປີ 1997 ຮ່ວມກັບ​ກຸ່ມ​​ອື່ນໆ​ທີ່​ເຮັດ​ວຽກ​ຕໍ່ຕ້ານ​ລະ​ເບີດ​ຝັງ​ດິນກໍາລັງ
    ຮຽກຮ້ອງ​ໃຫ້ສະຫະ​ປະຊາ​ຊາດ​ຈັດ​ຕັ້ງ​ຄະນະ​ກໍາມາທິການ​ສືບສວນ​ນຶ່ງ​ຂຶ້ນ​ເພື່ອ​ສຳຫລວດເບິ່ງ
    ລາຍ​ງານ​ຕ່າງໆ​ກ່ຽວ​ກັບ​ອາ​ຊະ​ຍາ​ກໍາຕ້ານ​ມະນຸດຊາດ​ໃນ​ທົ່ວ​ມຽນມາ​.

    ລາຍ​ງານ​ສະບັບ​ນີ້​ມີ​ຂຶ້ນ​ໃນ​ເວລາ​ພຽງ​ບໍ່​ເທົ່າ​ໃດ​ມື້​ຫລັງ​ຈາກ​ພວກ​ລັດຖະມຸນຕີ​ການຕ່າງປະເທດ
    ຂອງ​ກຸ່ມ​ອາ​ຊຽນຮຽກຮ້ອງ​ໃຫ້​ພວກ​ປະ​ເທດ​ຝ່າຍ​ຕາ​ເວັນ​ຕົກ​ພິຈາລະນາ​ຄືນ​ເບິ່ງ​ການລົງ​ໂທດ
    ຂອງ​ພວກ​ຕົນ​ຕໍ່​ມຽນມາ​

     

    分享到: